. موضوع مهم لكل حامل او ام صار عدها (كرش) بعد الولادة. - موسوعة الربيع */ --> -->
News

موضوع مهم لكل حامل او ام صار عدها (كرش) بعد الولادة.

 موضوع اليوم يختلف عن باقي المواضيع .. موجهه للام مو للطفل 😎😎

موضوع مهم لكل حامل او ام صار عدها (كرش) بعد الولادة..


#الانفصال_العضلي



هواي دتجيني أسئلة على الخاص بخصوص موضوع (الكرش) بعد الولاده .. والمشكلة ديربطوها كوه بالرضاعة الطبيعية 🤦🤦🤦


ما ادري منو صاحبه هاي النظرية .. الي تكول ' اني من جبت الى الان ارضع طبيعي بس مدتجيني الدوره وضعف كل جسمي بس عندي كرش مديروح وكالوا لي  هاي لان دترضعين مدتنزل الدوره وديتجمع الدم ببطنج وديسوي هالكرش" 😧😧😩🤐🤐🤐


حبايب الدوره من متجي أثناء الرضاعة الطبيعية 🤱 معناها ماكو تبويض اصلا.. يعني تعتبر مانع حمل طبيعي😁 (بس مو مضمون) 

ماكو لادم متجمع ولا هالخرافات🙄 .. 


استمري بالرضاعة الطبيعية لان مالها اي علاقه بهذا الكرش.. مشكلة الكرش هذا هو موضوعنا اليوم ..🤓

 

وتكول بسم الله 


 هواي من عدنا اثناء الحمل 🤰 كسبت وزن اضافي .. وبعد الولادة تنتظر يرجع جسمها مثل مجان .. 


ومن اجل تحقيق هذا الشي نلجأ  طبعا للاكل الصحي🥗 والتمارين..🧘


بس يا تمارين ؟ 🤔


اغلب الأمهات 👩🏼تشوف بطنها كبر بعد الولادة وتروح تسوي تمارين المعده crunch  ومتشوف اي تحسن!! 😵رغم التزامها.. 


وللاسف هالتمرين يزيد المشكله اكبر واكبر .. يعني يكبر بطنج اكثر ! 🤦 


واحتمال حته يسويلج فتق 🤪

الي ميتعالج الا بعملية جراحية😕


المهم باختصار شديد..

اغلب النساء الحوامل 🤰 يصير عدهم حاله  تسمى الانفصال العضلي (diastasis recti) 

هاي الحاله تتيح للبطن أن تتوسع اكثر حته تتكيف مع حجم الجنين.. 


ولكن الخبر السئ مو كل النساء ترجع بطنهم لوضعها (يغلق الانفصال) لمجرد الولاده.. ☹️


وانما تحتاج تمارين خاصه..🧘

🔉تمارين خاصة

🔊تمارين خاصة

🔊تمارين رياضيه خاصة

مو حيا الله اي تمرين 🚫


زين شلون اعرف اذا عندي انفصال أو لا؟ 🤔

لبسي بدي ضيك👕 أو صعدي البجاما👖 أو لفي اي شي ع بطنج🧣 حته تكدين تتحسسيها 🧤صح..

تمددي ع ظهرج 🛌

بايدج طلعي ٣ اصابع 3️⃣ وحطيهن بالعرض بمنطقة السرة وفوكاها وجواها (خط الوسط للبطن) وشوي رفعي راسج كأنما دتباعين ع ايدج (حته تتقرب العضلات) .. اذا هاي الاصابع فاتت جوه (طمست) جواها شي راخي.. معناها عندج انفصال عضلي..(اكو فديو)


اذا حسيتي اكو شي صلب جواها ومتطمس معناها مسدود الانفصال وماعندج مشكله 👍


⁉️زين الي عدها شتسوي؟ 🤔

البوست الجاي (الجزء الثاني) اشرح العلاج الي ولدت طبيعي او قيصري.. لان يختلفون


هذا البوست افحصي نفسج واعرفي اذا عندج.. 

وانتبهي 📢

انتبهي📣

انتبهي📯

هاي التمارين( اذا عندج انفصال عضلي) 👇 ممنوووووووووع 🚫🚫 تسويهن لان تزيد المشكلة ومتعالجها😩

متعالجها😓

متعالجها 👎


منشن الحوامل والي عدها (كرش بعد الولادة) و مجلبه بهاي التمارين ومتدري دتزيد الطين بله 😥

لو عبالها من ورة الرضاعة 🤣


الفديوات جوه بيهم شرح شوفوها



الأسباب مثل مذكرنا أنه الحمل يدفع عضلات البطن حته يوفر مساحة أضافية للجنين..

والشي الطبيعي أنه ترجع وره الولادة لوضعها السابق بحدود ٦ _٨ اسابيع..


⁦ℹ️⁩زين ليش هواي من عدنا مدترجع لحالها؟ 🤔

⁦✔️⁩السبب هو حالة تسمى "فقدان الاستقامة الصحيحه" يعني الي عدها انفصال عضلي لو هسه تروح كبال المراية وتوكف صفح وتباع ع نفسها رح تشوف وكفتها كارثيه🤦 .. الجتف مهدل🙊 والقفص الصدري منحني والحوض اعوج .. 


🔐وبالتالي هاي الوضعيه رح تقلل من المساحة الداخليه للاعضاء (الرئتين خصوصا) ومن تقل هاي المساحة الجسم رح يحاول يتكيف ويسلط ضغط اضافي على البطن وبالتالي يدفع العضلات ويبقى الانفصال..! 😑


⁦⚠️⁩اسباب حاله فقدان الاستقامة هواي منها: 

⁦1️⃣⁩ضعف عضلات قاع الحوض

⁦2️⃣⁩ارتداء الأحذية غير المناسبة

⁦3️⃣⁩الجلوس بطريقة خاطئة لفترات طويلة

⁦4️⃣⁩التنفس الخاطئ 

⁦5️⃣⁩انحناء الرقبه أثناء استخدام الهاتف .. ووو غيرها 


المهم نجي للحل .. 😍


الحل لازم 

⁦✳️⁩اول شي: نبدي نحاول نعدل وضعنا ونرفع الجتف ونتنفس عدل وطريقة صحيحة ..


⁦✳️⁩وثاني شي: نبلش بالتمارين الي موجوده صورها.. وتمارين قاع الحوض (كيجل)


⁦✳️⁩ثالث شي: ابتعدي عن التمارين الخاطئة (بالجزء الاول نشرتها) وانتبهي لنفسج عن رفع اثقال أو رفع طفلك لازم "تشفطين" بطنج للداخل مو العكس.. وانتبهى لطريقة القيام من التمدد (نشرتها بالجزء الاول)


طبعا جانوا قبل يكولون للبنت اول متبدي تراهق⁦👩🏼⁩ (شفطي بطنج ورفعي صدرج حته تصيرين حلوه⁦🧜🏻‍♀️⁩) وهاي المقوله جدا صحيحه وهي أساس تعديل الاستقامة..⁦👍


⁦ℹ️⁩نجي للسؤال الاخير شوكت اكدر اسويهن؟! 

⁦☑️⁩الي ولدت طبيعي : بعد الولاده مباشره تلبس مشد (والافضل الثلاثي) (اكو صوره)ومن تكمل الاربعين تنزعي.. وتفحصين اذا باقي انفصال تسوين التمارين ..


❗زين اني صار كومة والده يصير البس مشد؟ 🤔

لا مابي فائده بعد لان الرحم رجع لحجمه وانتهى.. بحالتج سوي التمارين مباشره👍

logo
يمكن لمتابعينا الاعزاء متابعتنا والتواصل معنا .
  • Facebook
  • Instagram
  • twitter
  • youtube
  • إدخال بريدك الإلكتروني للإشتراك في بريد الموقع السريع ليصلك جديد الموقع

    مواضيع ذات صلة

    التعليقات
    اخفاء التعليقات

    إرسال تعليق

    اهلا وسهلا بكم